Mae gan Adnoddau Dynol rôl ganolog i'w chwarae wrth gyflawni Cynhwysiant Oedran

Mae ein papur arweinyddiaeth feddwl diweddaraf yn cynnig cynllun 11 pwynt i greu strategaeth hirhoedledd ar gyfer eich sefydliad ac yn amlinellu'r hyn sy'n bwysig ei gynnwys mewn adroddiad Difidend Demograffig.

 

Darllenwch Ailwampio stori ein hoes

​

Mae Cymru wedi arwain y ffordd ers tro byd gyda chreu Comisiynydd Pobl Hŷn - rôl hanfodol sy'n hyrwyddo hawliau a photensial dinasyddion hŷn. Ond gydag incwm pensiwn cyfartalog is, poblogaeth wledig sylweddol, a rhwystrau parhaus i gael mynediad at ofal iechyd, mae angen i bolisi'r llywodraeth fynd ymhellach ar frys. Rhaid inni gydnabod yn llawn y difidend demograffig o fywydau hirach ac ymateb gyda strategaethau beiddgar, sy'n cynnwys oedran ar draws cyflogaeth, iechyd, a seilwaith cymunedol. Drwy wneud hynny, gall Cymru drawsnewid y naratif o amgylch heneiddio - o gost i gyfraniad - ac adeiladu cymdeithas lle mae pobl hŷn wedi'u grymuso i ffynnu, nid dim ond goroesi.

​Julian John

Prif Weithredwr Delsion Llysgennad Amherthnasedd Oedran – Cymru

​​

Dychmygwch eich bod mewn drama, ac mae'n bythefnos cyn i'r llen agor. Mae'r

cynhyrchydd yn cyhoeddi'n sydyn fod gan y cast 20 munud ychwanegol nawr

mae'n rhaid iddyn nhw fod ar y llwyfan. A fyddech chi'n cwblhau'r drydedd act ... neu a ydych chi'n ailwampio’r sgript a chael dull newydd cyffrous?

Y Farwnes Sally Greengross

 

Rydym wrth groesffordd ddemograffig  hollbwysig

Wrth i bobl fyw a gweithio'n hirach, rhaid inni ailfeddwl yn sylfaenol sut rydym yn mynd ati i ymdrin â gyrfaoedd, sgiliau a dylunio sefydliadol. Nid yw'r model traddodiadol "addysgu, gweithio, ymddeol" bellach yn cyd-fynd â realiti bywyd modern. Mae'r cyfle’n un enfawr. Gallai economi'r Deyrnas Unedig fod ar ei ennill o dros £88 biliwn drwy gyfateb cyfradd gyflogaeth rheini sy’n  50–64 oed â'u cyfoedion iau. Fodd bynnag, nid yw hyn yn ymwneud ag economeg yn unig, mae’n  ymwneud â datgloi potensial llawn gallu dynol ar draws pob cenhedlaeth. Fel Is-lywydd Uwch Busnes Cyfrifol ac Effaith, Cielo, rwyf wedi gweld â llygaid fy hun sut mae sefydliadau sy'n cofleidio cynllunio amrywiaeth oedran a hirhoedledd yn cyflawni mantais gystadleuol glir. Nid yw hyn yn ymwneud ag ymestyn oes  gwaith er ei fwyn ei hunan; mae'n ymwneud â chreu gweithleoedd aml- genhedlaeth sy'n gwneud y gorau o ddyfnder profiad,  creadigrwydd, ac arloesedd sy'n dod o weithluoedd gwirioneddol gynhwysol.

​

Mae'r adroddiad Amherthnasedd Oedran hwn yn amserol ac yn hanfodol. Mae'n darparu achos cryf  dros newid ac yn cynnig canllawiau ymarferol i arweinwyr ar bob lefel. Mae’n galw ar i weithwyr Adnoddau Dynol proffesiynol,  ailfframio cynllunio'r gweithlu fel trosol strategol ar gyfer cynaliadwyedd. I Brif Weithredwyr a byrddau, mae'n dangos sut y gall strategaethau hirhoedledd gryfhau gwydnwch busnes a thwf. Yna,  i lunwyr polisi, mae'n tynnu sylw at y groesffordd bwerus rhwng demograffeg, ffyniant economaidd, a chynnydd cymdeithasol. Mae'r dystiolaeth yn glir, rhaid inni symud y tu hwnt i ymwybyddiaeth i drawsnewid strwythurol, ailgynllunio systemau sy'n cefnogi cyflogadwyedd gydol oes, dysgu parhaus, a chydweithio rhyng-genhedlaeth. Wrth i ddeallusrwydd artiffisial ac awtomeiddio ail-lunio natur gwaith, mae’r  angen i unioni newid technolegol â demograffig yn un dybryd. Mae'r amser ar gyfer gweithredu cynyddrannol wedi dirwyn i ben.  Mae gennym y mewnwelediadau, y dystiolaeth a'r cyfle i weithredu nawr, i greu gweithleoedd sy'n dathlu hirhoedledd ac yn ei ddefnyddio fel grym ar gyfer arloesedd a thwf. Mae'r adroddiad hwn yn darparu'r weledigaeth a'r fframwaith ymarferol i helpu i wneud y dyfodol hwnnw'n realiti.

​Laura Todd

Uwch Is-lywydd Busnes Cyfrifol ac Effaith, Cielo

​​​

Rydym am i'r papur Her Adnoddau Dynol hwn lunio naratif newydd ar gyfer cynhwysiant oedran. Os ydych chi eisiau dysgu mwy am sut y gall Amherthnasedd Oedran eich helpu, cysylltwch â Kay@ageirrelevance.com